簽睇樓紙會俾Agent追佣？睇樓初哥留意一二三

睇樓之前，客戶一般會被要求簽署「地產代理協議」，即是「睇樓紙」。睇樓紙的用途在於保障地產經紀的權益，規範買家在看完該單位的一段時間內（通常是三個月，但可以雙方協議修改），必需經該經紀購入此單位，否則會被追收經紀應得的佣金。
 
睇樓紙可以簽的嗎？
 
聽到會被追佣金，會嚇怕很多睇樓初哥，事關佣金一般為樓價的1％，以500萬樓價為例，都要5萬元，不是一個小數目。
​
其實睇樓紙並不是不能簽，只要小心留意以下事項，就不會有問題。  ​

一、看清楚睇樓紙上寫的資料和條款
睇樓紙是有法律效力的文件，跟簽定任何合約一樣，都要清楚閲讀及了解所有條款的。值得重點注意的，是單位（留意清楚是不是自己要睇的單位）、規範時期（通常為三個月，但其實可以雙方協議短一點）、簽訂日期、違約條款等，確保沒有問題才簽名作實，記得要保留好自己的副本作參考。
 
二、清楚記低睇過的單位
每一次睇樓要記低日期、單位，當經紀介紹新單位時如果有睇過要提出，以免找不同經紀重覆睇同一單位。睇樓盤愈多，特別是相類似的樓盤，是會花多眼亂的，要記低睇過的單位，可以用影相、編號等等的方法來增加記憶。
 
三、和家人就睇樓作清晰溝通
由於睇樓紙的規定範圍包括直系親屬，睇樓之前記得同家人溝通好睇過什麼單位，避免各自各睇樓，最後發現跟不同經紀看過同一個單位的情況發生。當然，如果可以一齊睇樓，就可以更好地溝通啦！
 
以下是睇樓紙的範本及注意事項，如果有興趣的朋友不妨下載儲存，以備日後使用。

人總有失策的時候，如果真的不小心地同一個單位簽了多於一張睇樓紙，可以怎樣做呢？
 
還未下決定買樓時就發現，可以計一計多繳一份佣金去買這個單位是否值得，如果依然是超值的話，當然可以繼續去馬啦！之後即使被追收佣金，仍然可以除笨有精。
 
如果在買樓之後才被追收佣金，那也沒有辦法，不過，可以嘗試和經紀傾傾，拿出誠意講一下價，試商討較為相宜的價格去處理事件，以免進入更費時麻煩的法律追訴程序。
 
其實對於睇樓初哥來講，不單單是要留意如何簽睇樓紙，買樓之前都需要做好多其他功課，這樣先可以避免例如被Agent追佣等不必要的額外開支及風險。希望這篇文章，可以令你有所啟發。